Charla : PRESHON HALTU Djamars 10 di MEI 2022. na Sentro di Bario Souax

Charla : PRESHON HALTU Djamars 10 di MEI 2022. na Sentro di Bario Souax

Fundashon Pro Souax, Sentro di Bario Souax i Sentro Médiko Souax ta anunsiá na habitante di Souax, Zegu, Gato i bisindario i tur otro interesado, ku djamars awor 10 di mei lo tin e siguiente charla riba salú i kuido di salú. E luna aki, Dr. Oliva lo trata e tópiko: “Preshon haltu”.
Durante e charla aki dr Oliva lo splika kiko ta preshon haltu, faktornan ku por kontribui na preshon haltu, kon tene bo preshon bou di kontrol i kiko por hasi kontra e malesa aki, ku nan ta yama “the silent killer”. E informashonnan ku dr Oliva lo duna ta balioso pa personanan ku ta sufri di preshon haltu, pero tambe pa famia i amigunan di e pashènt ta na altura kiko eksaktamente e malesa ta i kon ta e mihó manera pa kuida ora bo tin preshon haltu.

E charla ta tuma lugá na Sentro di Bario Souax i ta kuminsá shet’or en punto i lo dura te ku mitar di nuebe di anochi. Entrada ta grátis.  Durante e charla lo tin amplio oportunidat pa hasi pregunta.

Charla riba tópiko di salú públiko

Tópiko   : PRESHON HALTU

                                 Oradó   : Dr. Oliva

Dia       : Djamars 10 di MEI 2022

Ora       : Shet’or pa mitar di nuebe di anochi  (19.00 – 20.30)                               

Lugá     : Sentro di bario Souax

Entrada : GRÁTIS