Minister di GMN Pisas a reuní ku personal di Sektor di Agrikultura, Medio Ambiente i Naturalesa

Willemstad – Resientemente Minister di GMN señor Gilmar Pisas a tene un reunion informativo ku representantenan di e  dos departamentunan di e sektor di Agrukultura, Medio Ambiente i Naturalesa. Ta trata aki di e departamentunan Maneho di Medio Ambiente i Naturalesa (MNB) ántes Milieudienst i Maneho di Agrikultura i Peska (AVB) ántes LVV. Durante e reunion den kual Minister Pisas a keda asistí pa miembronan di su kabinete, a papia di funshonamentu di e organisashonnan i e servisionan ku ta duna na komunidat. Despues di e reunion Minister Pisas a bishitá e dos hafnan di piskadó.

Minister Pisas a bishitá e hafnan di piskadó di Piskadera i Caracasbaai pa tuma nota personalmente di e puntonan di atenshon i aspektonan ku ta rekerí mihó kordinashon. Riba kombinashon di potrèt por mira Minister Pisas durante e reunion na Ministerio di GMN i su rekorido na e dos hafnan di piskadó huntu ku algun miembro di su kabinete i kolaboradónan di AVB.