NOS SELEKSHON TA NA ARGENTINA PA ENFRENTÁ E KAMPIONNAN DI MUNDU, MAÑAN 28 DI MART 2023 NA ARGENTINA!

NOS SELEKSHON TA NA ARGENTINA PA ENFRENTÁ E KAMPIONNAN DI MUNDU, MAÑAN 28 DI MART 2023 NA ARGENTINA!

 

 

Nos selekshon nashonal a yega Argentina despues di un buelo basta largu pa kontinuá ku e preparashonnan pa nos partido di mañan 28 di mart kaminda nos lo topa e kampionnan di mundu durante un partido amistoso. Esaki a bira notisia despues ku pa basta siman tras di lomba e rumornan a kuminsá sirkulá ku nos selekshon lo topa Argentina. Na momentu ku tur e negosiashonnan a finalisá, FFK a konfirmá e notisia aki ku sigur a kai den bon tera serka hopi fanátiko di futbòl. E partido aki lo tuma lugá mañan anochi mitar di 8, orario di Kòrsou, den Stadion Unico Madre de Ciudades den e pueblo Santiago del Estero.

 

Mester bisa ku nos selekshon a yega bon i ta tin un seshon di training awe komo preparashon pa nos partido di mañan. E pueblo di Argentina a duna nos selekshon un kaluroso bon biní i a risibí nos selekshon ku brasa habrí, tumando firma, sakando potrèt i entrevistando nos hungadónan.

Nos hungadónan tambe ta hopi kontentu i emoshoná pa e partido históriko di mañan.

 

E siguiente hungadónan lo forma parti di e selekshon pa e partido kontra Argentina;

 

1. Godfried Roemeratoe
2. Juninho Bacuna
3. Leandro Bacuna
4. Eloy Room
5. Vurnon Anita
6. Elson ‘Sontje’ Hooi
7. Kevin Felida
8. Kenji Gorré
9. Sherel Floranus
10. Brandley Kuwas
11. Rangelo Janga
12. Richairo Zivkovic
13. Roshon van Eijma
14. Giovanni Troupée
15. Rhu-Endly ‘Cuco’ Martina
16. Trevor Doornbusch
17. Xander Severina
18. Juriën Gaari
19. Tyrick Bodak
20. Justin Ogenia
21. Nathangelo Markelo
22. Jeremy Antonisse
23. Shanon ‘Cheese’ Carmelia

 

 

Preparashonnan ta kontinuá pa nos selekshon topa e selekshon di Argentina aya na Argentina durante un partido históriko!

FFK ta deseá nos selekshon tur klase di éksito ku e partido di mañan!