E di 10 kompetensia di fabulá eksagerá 2023 organisá pa Ars Oratoria Advanced Toastmasters Club

Willemstad,  Ars Oratoria Advanced Toastmasters Club (AOATMC), un klup di Toastmasters Avansá, afiliá na Toastmasters International, ku a ser fundá na Kòrsou na aña 2005 ta organisá e di 10 kompetensia di Fabulá Eksagerá, ku e tema BACK TO THE FUTURE ku ta tuma lugá dia promé di aprel próksimo.

AOATMC ta preparando su partisipantenan i huradonan pa un tremendeo kompetensia. Kompetensia di fabulá eksagerá ta un dje kompetensianan ku Toastmasters ta brinda miembronan pa asina tambe traha riba e parti di konta kuenta (“storytelling”).

Despues di 2 aña di pandemia, den un ambiente ameno i modesto, nos tur ta regresá na e futuro. E kompetensia ta tuma lugá djasabra promé di aprel 2023 na Klup De Oleander, Weg naar Welgelegen di 5or pa 7or pm.

Soru pa bo no keda afó, kumpra bo karchi lihé pa solamente Fl. 15.00 i bin disfrutá barika yen di kuentanan eksagerá.