REAKSHON RIBA RAPÒRT DI NULMETING

Reakshon di Minister riba vershon final di Nulmeting

WILLEMSTAD – Minister di Enseñansa, Siensia, Kultura i Deporte (ESKD) sr. Sithree van Heydoorn ta reakshoná riba e rapòrt final di Nulmeting di Enseñansa. E rapòrt final i e reakshon di Ministerio di ESKD ku a keda mandá pa Hulanda ta keda publiká.

Den kuadro di e Landspakket Curaçao mester a hasi un asina yamá nulmeting pa haña un bista di nos estado di enseñansa. Inspekshon di Enseñansa di Kòrsou i Hulanda a hasi e nulmeting aki i a publiká resultado di esaki den un rapòrt final. Minister di ESKD Sithree van Heydoorn a duna su komentario formal riba e rapòrt final aki den un asina yama ‘Beleidsreactie’ i a manda esaki pa sekretario di estado sra. A. van Huffelen.

Den e rapòrt tin vários rekomendashon pa nos optimalisá nos enseñansa. Puntonan di atenshon ku e rapòrt ta basá riba dje ta kalidat básiko, konekshon entre enseñansa i merkado laboral i realisashon di un bon konekshon entre e diferente nivelnan di enseñansa. Aparte di e puntonan aki tin vários rekomendashon mas.

Pa tuma nota di e rapòrt por klik aki: Rapòrt Nulmeting vershon final i pa e reakshon klik aki: Reakshon di Minister riba e rapòrt final di Nulmeting .