HÒMBER YU DI KÒRSOU ASESINA NA ROTTERDAM

E hòmber ku djarason a pèrdè su bida den Mc Donald riba Lijnbaan den sentro di Rotterdam a keda identifika komo Richairo Mariën (22). E ta un yu di Kòrsou kende ta biba na Helmond.
Ela keda asesina pa un hoben di 19 aña di edat tambe yu di Kòrsou kende ta habitante di Spijkenisse.
E sospechoso lo a propin’e varios korta na brasa, man i pia. I tambe algun hinka den barika i pechu.
Ounke e sospechoso a move lihe i kore bai for di e sitio a logra su detene despues di 30 minuut. Door ku e suseso a sosede den pleno dia i den sentro di siudat tabata tin hopi testigunan ku a risibi yudansa di slachtofferhulp. Tambe a logra lokalisa e kuchu ku ela huza durante di e krimen.