“Vragenuur” Overtime di Polis.

Trabou pa Kòrsou su promé

“Vragenuur” Overtime di Polis.

 

Partido Trabou pa Kòrsou ta hasi uso di su promé vragenuur den  parlamento hasiéndo uso di artíkulo 96A di reglamento di Òrdu di parlamento di Kòrsou. Esaki lo tuma lugá mañan

06 di April 2023 pa 9or di mainta, kaminda e minister di Hustisia lo bini pa asina komunidat por haña kontesta riba e proksimo preguntanan.

1. Kuantu ta e montane di sèn ku minister mester kòrta den “overtime” di polis? Den kua post di prosupuesto por mira esaki?
2. Kiko ta e motibunan ku minister mester kòrta den “overtime” di polis?
3. Kiko kòrtamentu aki ta nifiká den maneho di kuerpo polisial i e servisio ku pueblo ta spera di polis?
4. Kòrta den ” overtime” di polis representa solushon pa kiko?
5. Kuantu sèn na “overtime” polis a kosta komunidat último 10 aña nan?
6. Kiko ta e motibunan ku polis ta traha hopi “overtime”?
7. Kuantu polis tin aktualmente?
8. Kuantu polis mester tin aktualmente? Kua investigashon ta bisa esaki?
9. For di ki tempu a investigá kuantu polis Kuerpo Polisial Kòrsou (KPC) mester tin?
10. Kon leu ta ku posishon hurídiko nobo i areglo polisial nobo di polis.
11. A laga midi e produkto final (formashon basiko di polis) ku ORV ta entrega na KPC si e ta kuadra ku KPC su espektativa? Pues e polis? For di ki tempu i kiko e resultadonan ta?
12. A laga midi si e espektativa di KPC ta kuadra ku e eapektativa ku pueblo tin di KPC? For di ki tempu e midi mentu aki a tuma lugá?
13. For di kua investigashon o dokumentashon o di unda a konkluí ku kòrta den “overtime” di polis ta un solushon? Anto solushon pa kiko?
14. Tin fondo pa reklutá mas polis? For di kua post riba prosupuesto por mira esaki? Di kuantu klas di polis nos ta papia pa aña 2023?
15. Ta bai mantené formashon polisial na 3 aña? Un splikashon porfabor.

 

Den prosupuesto 2023 minister a indika algún sifras ku nos ke haña aklarashon pa asina pueblo por haña transparensia i un idea kon nos kuerpo polisial lo tin ku sigui finansieramente den futuro.

 

Pueblo keda pendiente pa e reunión aki, nos di trabou pa Kòrsou ta kontentu ku prome reuniun aki.