NOS SELEKSHON NASHONAL LO ENFRENTÁ PUERTO RICO DEN UN  PARTIDO DI FOGEO DIA 13 DI YÜNI PRÓKSIMO!

Resientemente presidente di FFK sr. Ramiro Griffith i e presidente di e Federashon di Futbòl di Puerto Rico sr. Iván Rivera a sera un akuerdo pa un partido amisito entre nos selekshon nashonal i e selekshon di Puerto Rico.

Den e dianan tras di lomba FFK a firma e kontrato korespondiente i awor di forma ofisial nos ta anunsiá algun detaye di e partido di fogeo aki. Nos selekshon lo enfrentá e selekshon nashonal di Puerto Rico dia 13 di yüni próksimo na Miami mirando ku ámbos ekipo lo ta na Miami pa prepará pa nan partidonan di kualifikashon pa Gold Cup 2023. E orario i e stadion pa e partido aki lo wòrdu anunsiá despues.

E partido aki lo fungi komo preparashon pa nos próksimo partido di kualifikashon pa Gold Cup 2023 kaminda nos selekshon nashonal lo enfrentá St. Kitts & Nevis dia 16 di yüni binidero aya na Merka. For di awor, FFK ta deseá nos selekshon tur klase di éksito ku e preparashonnan pa e partidonan di fogeo aki i mas ku klaro nos partido di kualifikashon pa Gold Cup 2023.

 

Keda pendiente pa mas informashon…

 

19 aprel 2023

Share this page to Telegram

This site uses Akismet to reduce spam. Learn how your comment data is processed.

%d bloggers like this: