Minister Hato a duna instrukshon pa subi e nivel di seguridat na VODC

Minister Hato a duna instrukshon pa subi e nivel di seguridat na VODC

WILLEMSTAD- Minister di Hustisia, sr. Shalten Hato , a duna instrukshon na su Tim di Maneho di Ministerio di Hustisia pa reuní awe ku Gerensia di SDKK pa evalua e situashon na e asina yamá Vreemdelingen Opvang en Detentie Centrum (VODC) i bini ku solushonnan duradero.
Manera ta konosí ayera marduga 4 indokumentado a logra sali for di e kompleho aki despues di hasi varios destrukshon. A inventarisá tantu e parti di infrastukrtura komo e parti di seguridat huntu ku Gerensia i e personal di VODC.
Den e dianan binidero lo hasi adaptashonnan nesesario pa asina alsa e nivel di seguridat sin pèrdè foi bista regla i tratadonan internashonal ku ta konta pa ku alohamentu di indokumentado.