KIKO TA PASANDO

E uniko kaminda ku bo ta haña tur informashon kompletamente gratis. Klik anto lesa. Manda tur loke bo ke pa wordu publika i invitashon pa kubri rueda di prensa na e Email: kikotapasando@outlook.com

NOTISIA

REFINERIA DI KÒRSOU TA REFUTÁ INFORME INKOREKTO

DEKLARASHON NA PRENSA

REFINERIA DI KÒRSOU TA REFUTÁ INFORME INKOREKTO

Willemstad 2 di Mei 2023- Refineria di Kòrsou (RdK) ta haña ku ta nesesario pa klarifiká algun ponensha eróneo ku ta sirkulá den algun medio di komunikashon.

Na promé lugá ta bon pa enfatisá ku na ningun momento Ministerio Públiko no a aserká RdK ku ningun sorto di apoderashon di Prokurador General pa konfiská dokumentonan. Ta na momento ku RdK a hasi su denunsia na Ministerio Públiko, kontra di un di e invershonistanan ku a keda presentá pa CPR, RdK, na e momento ei, a entregá e rapòrtnan ku RdK a laga Nederlands Forensisch Instituut (NFI) traha, na Ministerio Públiko.

Na di dos lugá bal informá ku RdK no ta na altura di e keho entregá dor di Banko Sentral di Kòrsou i Sint Maarten (CBCS) na Ministerio Públiko den e kaso relashoná ku negosashon pa yega na un operadó pa refineria. Tampoko RdK ta na altura di ta kua instansha òf persona CBCS a entregá keho kontra di djé.

Mester enfatisá ku ni RdK ni su direktor a mal informá Parlamentu na ningun momentu durante reunionnan ku Parlmemtu. RdK ta lamentá e informe inkorekto ku ta sirkulá.

639114718427035"
639114718427035"