Detenshon relashoná ku ladronisia di outo.
KOMUNIKADO DI PRENSA 225/2023.
17 mei 2023.
Detenshon relashoná ku ladronisia di outo.
Departamentu di Komunikashon i Prevenshon
KUERPO POLISIAL KÒRSOU SIRBI I PROTEHÁ
Kontinuando ku un investigashon relashoná ku un kaso di ladronisia di outo ku a tuma lugá
dia 5 di yanüari 2023 den área di Bapor Kibrá, polis a hasi un detenshon.
Djárason 17 mei 2023 alrededor di 10.20’or di mainta, personal di e tim ku ta investigá
ladronisia di vehíkulo a hasi detenshon di e hòmber sospechoso:
S.J.D., di 24 aña di edat nasé na Kòrsou.
Detenshon di e sospechoso a tuma lugá na warda di reshèrshi.
A presentá e sospechoso dilanti di un fiskal ouksiliar ku a ordená su enkarselamentu
pendiente di mas investigashon.
