KASO DI TIRAMENTU KU MORTO

KOMUNIKADO DI PRENSA 233/2023.
20 mei 2023.
Kaso di tiramentu ku morto.
Departamentu di Komunikashon i Prevenshon
KUERPO POLISIAL KÒRSOU SIRBI I PROTEHÁ

Djabièrnè 19 di mei 2023 alrededor di 21.23’or, Sentral di Polis a risibí yamada di un kaso di
tiramentu ku a tuma lugá den Kaya Nubia i ku lo mester tin un hòmber gravemente heridá
bentá abou.
Mesora a dirigí algun unidat di polis na e sítio. Na yegada di e promé unidat, el a bin topa un
hòmber drumí riba kaya ku varios herida di bala prosedente di arma di kandela na diferente
parti di su kurpa.
E víktima ya no tabata duna señal di bida na e momentunan ei.
Personal di ambulans tambe ku a yega, no por a hasi nada mas pa e víktima.
For di investigashon preliminar a sali na kla ku e víktima tabata riba un plenchi dilanti di su
kas, na momentu ku deskonosínan a pasa den un vehíkulo i lòs algun tiru dirigí riba dje, pa
despues hui for di e sítio.
Mas despues dòkter di polis ku tambe tabata presente, a konstata morto di e hòmber
Jorvien Antonio LLOYD, nase dia 22 di yüli 2002 na Kòrsou.
Riba òrdu di fiskal di Ministerio Públiko a konfiská e kurpa sin bida pa mas investigashon.
Den kuadro di e investigashon, polis a konfiská algun kashi di bala tambe na e sitio di
krímen.
Nota pa redakshon