KOMUNIKADO DI PRENSA 234/2023.
21 mei 2023.

Aksidente di tráfiko ku herido.

Departamentu di Komunikashon i Prevenshon
KUERPO POLISIAL KÒRSOU SIRBI I PROTEHÁ

Djasabra 20 di mei 2023 alrededor di 18.37’or, Sentral di Polis a dirigí un unidat pa
Argentinaweg, pa un aksidente di tráfiko den kua tabatin un siklista enbolbí.
Na yegada di e unidat el a bin topa un aksidente entre un outo di famia i un baiskel.
Personal di ambulans ya tabata tratando e siklista víktima ku a risibí bastante sla debí na e
impakto.
For di investigashon preliminar a sali na kla ku shofùr di e outo di famia tabata kore riba
Argentinaweg den direkshon di F.D. Rooseveltweg.
Dado momentu el a nota un baiskel ta bini riba dje den direkshon kontrali, pero riba e
mesun lado ku e tabata kore.
E shofùr di e outo a trata na kita pa e baiskel pero no por a evitá ku ámbos a dal
práktikamente frontal kontra di otro.
Ku urgensia ambulans a transportá e víktima pa sala di emergensia di C.M.C., pa risibí
tratamentu médiko.
Personal di Departamento di Tráfiko ta kontinuá ku e investigashon.