KOMUNIKADO DI PRENSA 241/2023.
24 mei 2023.

Mudansa temporal Intake Rio Canario.

Departamentu di Komunikashon i Prevenshon
KUERPO POLISIAL KÒRSOU SIRBI I PROTEHÁ

Debí na trabounan di konstrukshon ku ta tumando lugá na e edifísio di polis na Rio Canario,
temporalmente Intake di Rio Canario a keda ubiká den e edifísio polisial prinsipal riba
Winston Churchillweg.
Pues pa siudadanonan ku mester hasi denunsia i ku no por hasi esaki di forma digital òf ku
mester duna òf tuma informashon na bali, entrante di djaweps 25 di mei 2023 te un
próksimo aviso, mester hasi esaki na e edifísio prinsipal di polis.
Pa siudadanonan di kua e otro wardanan ta mas fásil aksesibel pa nan risibí servisio polisial
na bali, nan por keda hasi uso libremente di e wardanan aki.
Kuerpo Polisial ta pidi un i tur pa tuma bon nota di e kambio temporal aki i alabes ta pidi
diskulpa pa kualke inkumbiniensia ku esaki por trese kuné.