ATLETANAN DI TÈNIS DI BISHITA SERKA MINISTER

REDAKSHON June 2, 2023 0 Comments

MINISTERIO KONSERNÍ ENSEÑANSA, SIENSIA, KULTURA & DEPORTE

ATLETANAN DI TÈNIS DI BISHITA SERKA MINISTER

PUBLIKÁ RIBA 02 YÜNI 2023

Willemstad- Resientemente minister enkargá ku deporte sr. Sithree van Heydoorn a risibí atletanan ku a partisipá na torneo di tènis. Dia 10 di aprel algun di e mihó hungadónan di Kòrsou a partisipá na e torneo di Tènis den Trinity Cup 2023 na Trinidad i Tobago.

Trinity Cup ta un torneo di COTECC pa hóbennan menor di 14 aña i ta forma parti di COTECC Junior circuit. COTECC ta e Konfederashon Sentral-Amerikano i Karibense di tènis i ta e Federashon ofisial di tènis na Sentral-Amerikano i den Henter Karibe. E liga ta basá na San Salvador, El Salvador. E Federashon di tènis ta afiliá na e Federashon Internashonal di tènis (ITF). Vários pais afiliá na COTECC ta organisá torneo di tènis hubenil pa U18, U12, U14 i U16.

Kuater hungadó hubenil a kompetí den e torneo Sub-14, unda 18 mucha di el Salvador, Trinidad y Tobago, Barbados, Guyana, Santa Lucia i Kòrsou a kompetí ku nan mihó hungadónan. Entre e muchanan, 16 mucha muhé di Trinidad i Tobago, Kòrsou, Guyana i Bonaire a partisipá. E hungadónan di Kòrsou a kompetí den kompetensia individual i dòbel. Nos hungadónan tabata: Brandon Bridgewater awor ta okupá e puesto 11 entre e muchanan den Karibe, Keziah Fluonia, awor ta okupá e puesto 15 entre e muchanan di Sub14 den Karibe. Neevin Marcus a pasa pa kuarta final i Leonardo Winkel den Backdraw a bira ganadó.

Kòrsou a gana na e promé lugá tantu den e hóbennan muhénan ku ta Keziah Fluonia komo den e hóbennan hòmbernan ku ta Brandon Bridgewater. Den dòbel maskulino, Brandon Bridgewater huntu ku Nirav Doughdeen di Trinidad a bira ganadornan.

Na maart 2023 e hóben nan aki a representá Kòrsou den e kompetensia Hubenil na Republika Dominikana, unda 16 pais di Sentro Amérika i Karibe a partisipá. E hóbennan a logra gana na e di ocho lugá for di 16 País nan ku a partisipá.