VICTORY BOYS HARMANDO PA FUTURO – HASSNAH ELHAGE ELIGÍ KOMO PRESIDENTE NOBO DI VICTORY BOYS

Willemstad, 5 yüni 2023

VICTORY BOYS HARMANDO PA FUTURO – HASSNAH ELHAGE ELIGÍ KOMO PRESIDENTE NOBO DI VICTORY BOYS

E organisashon di futbòl lokal SV Victory Boys, a eligí un direktiva nobo durante nan reunion di djamars 30 di mei 2023. Ta trata aki di un direktiva nobo di 9 miembro.

E 9 miembronan di e direktiva nobo ta:
1. Hassnah Elhage
2. Germain Brunken
3. Esteline Hooi
4. Sepherine Adriana
5. Nachairo Martina
6. Ashneltrida Martis
7. Churny Hojer
8. Engelmar Marceli
9. Maurits Rosalia

Durante e promé reunion di direktiva, a eligí Hassnah Elhage komo e presidente nobo di Victory Boys. E direktiva aki lo guia Victory Boys ku un enfoke pa restrukturá klup I importante tambe ta pa engrandesé e kultura di Victory Boys i bario di Sta. Rosa.

Hassnah tin hopi aña aktivo den futbòl profeshonal den eksterior komo hurista i ‘consultant’. Tambe Hassnah a traha ku nos selekshon nashonal i ta konosí pa su eksperensia, ‘network’ i konosementu di e mundo di futbòl.

Den e simannan binidero lo repartí posishon i tareanan di sobra miembronan direktiva.
I huntu nos lo harma pa futuro di e ekipo di Victory Boys.

 

Hassnah Elhage
Presidente Victory Boys