Dos detenshon pa un kaso di menasa i maltrato.
KOMUNIKADO DI PRENSA 289/2023.
19 yüni 2023.
Dos detenshon pa un kaso di menasa i maltrato.
Departamentu di Komunikashon i Prevenshon
KUERPO POLISIAL KÒRSOU SIRBI I PROTEHÁ
Djadumingu 18 di yüni 2023 alrededor di 08.25’or, Sentral di Polis a dirigí unidat di
Otrobanda den área di un Restorant na Piscadera pa un kaso di maltrato.
For di investigashon preliminar ku polis a logra hasi na e sítio, a sali na kla ku dos hòmber
tabatin un interkambio di palabra i a menasá otro pa despues kuminsá bringa.
Tur e dos hòmbernan aki lo a maltratá otro.
Durante di e bringamentu aki, unu a risibí sla na kabes i e otro na su brasa.
Ambulans a yega na e sítio pa a transportá ámbos víktima pa C.M.C.
Despues di tratamentu a hasi detenshon di e dos sospechosonan, J.de P. D.C.G. di 60 aña di
edat i L.C.S.J.S. di 23 aña di edat, ámbos nase na Kòrsou.
A presentá ámbos sospechoso dilanti di un fiskal ouksiliar ku a ordená nan enkarselamentu
pendiente di mas investigashon.
