Jamel Lomp (56) ta un psychopaat i no mag di mira lus di dia mas.

E sospechoso ku a keda detené pa e kaso di hinkamentu mortal na Albert Heijn situá na Turfmarkt den Den Haag, ta resultá di ta e konosido Jamel L (56).

Jamel L. a keda kondená varios biaha pa asesinato, menasa, ekstorshon i maltrato grave. E hòmber aki ta sufrí di halusinashon i ta yama su mes Jamel Arafat Al Asadi, profeta i lider di su propio religion i fundadó di su propio invento Reino Hazwayano.

Ku su 20 aña el a keda detené i kondená na Hulanda pa asesinato i ekstorshon i a keda poné bou di TBS. Sinembargo el a hui bai Bretaña kaminda ku na aña 2007 el a keda sentensiá pa motibu di agreshon severo ku kuchú kontra di un enfermera. Hues Britaniko a atvertí pa nunka mas e hòmber aki por ta den libertat komo protekshon di komunidat. Sinembargo na aña 2013 outoridatnan Britaniko a sak’e for di nan pais. El a keda detené na Hulanda kaminda el a keda interná den un klinika psikiatriko. Despues di1.5 aña el a keda mandá bèk Kòrsou.

Entre otro e tabata tin problema di menasa ku bisiña na Tera Pretu. Un kaso di Jamel L. no por a keda tratá den Korte pa motibu di menasa i ekspreshonnan hopi agresivo den sala di Korte kontra di Huesnan, Fiskal i tur persona envolví.

Na Klinika Capriles e no ta wòrdu atmití mas pa motibu di agresividat eksesivo.

E ultimo insidente na Albert Heijn no tabata e promé insidente na un filiaal di e establisimentu aki. Anteriormente e hòmber a pone un mensaje riba Facebook den kual el a pone kon el a kana drenta un filiaal di Albert Heijn den Zwijndrecht, habri un paki di lechi i para bebe esaki sin paga. El a akusá den e kaso aki e personal di seguridat i kuerpo polisial di racismo.

Algu remarkabel ta ku algun dia pasá el a publiká ku e ta pidi pordon na tur hende prinsipalmente hendenan di Hustisia di Hulanda: “Ik zou graag aan iedereen die ik zou teleurstellen voor vergeving vragen, vooral mensen van Justitie Nederland. ik zal bidden voor vergeving en ik zal alle justitie medewerkers helpen bij het vinden van vrede.”