Medida preventivo na Playa Piskadó na Wèstpunt pa duna piskadónan espasio pa saka boto for di laman

Relashoná ku yegada di e
sistema Bret, Ministerio di GMN a tuma

Medida preventivo na Playa Piskadó na Wèstpunt pa duna piskadónan espasio pa saka boto for di laman

Willemstad – Tumando na kuenta e pronóstiko di wer di Servisio Meteorológiko, Minister di Asuntunan General enkargá ku Agrikultura, Medio Ambiente i Naturalesa señor Gilmar Pisas a tuma e siguiente medida preventivo. For di awe no ta permití bishitantenan di Playa Piskadó na Wèstpunt pa stashoná outo riba e pida kaminda ku ta kondusí pa e playa. Mester stashoná outo ariba dilanti di e misa i por hasi uzo di e trapi enfrente pa baha bai e playa.

E medida preventivo temporal aki ta pa duna piskadónan tur espasio pa por saka nan botonan for di laman komo ku ta pronostiká ku e sistema Bret ta den nos área djabièrnè anochi i djasabra i efektonan di resake lo kuminsá gradualmente for di mañan djabièrnè mardugá i lo kontinuá durante fin di siman. P’esei Servisio Meteorológiko a emití tambe kódigo hel pa laman ku lo drenta na vigor djabièrnè mardugá. Durante e dianan aki lo tin un bewaker na entrada di e kaminda pa bai e playa pa duna informashon i eventualmente dirigí outonan pa e lugá di stashoná outo dilanti misa. Ministerio di GMN ta pidi diskulpa pa kualkier inkumbiniensha ku e medida preventivo aki por trese kunè.