EKSITOSO WORKSHOP DI AJAX COACHING ACADEMY PA KURSISTANAN KU TA SIGUIENDO KURSO DI ENTRENADÓ PA LISENSIA D!

EKSITOSO WORKSHOP DI AJAX COACHING ACADEMY PA KURSISTANAN KU TA SIGUIENDO KURSO DI ENTRENADÓ PA LISENSIA D!

 

 

Durante wikènt último Ajax Coaching Academy a tene un workshop pa tur e kursistanan ku ta den kurso pa optené nan diplomá di Lisensia D pa entrenadónan di futbòl femenino i hubenil.

E workshop aki tabata na enkargo di Bart Logchies i Roy Lagendijk ku ta instruktornan di Ajax Coaching Academy. E workshop aki a tuma lugá tantu den Sala Richard Th. Curiel na FFK komo den Stadion Rignaal ‘Jean’ Francisca di mèrdia pa anochi. E promé parti di e workshop tabata e parti teorétiko pa despues kulminá ku e parti praktikó ku a konta ku asistensia di algun hungadó ku a bin yuda durante e workshop.

Meta di e workshop aki tabata pa kompartí e método i téknikanan ku ta wòrdu usá na Ajax Coaching Academy ku nos entrenadónan lokal, pa tiki tiki pero sigur esakinan wòrdu ehekutá i implementá durante e seshonnan di praktiká di nos ekiponan lokal pero tambe nos selekshonnan nashonal.

E kursistanan sigur ta tin un dia sumamente interesante, yená ku informashon balioso ku por keda implementá den nos futbòl p’asina yuda engrandesé futbòl aki na Kòrsou.

FFK ta gradisí Ajax Coaching Academy i ta spera di por sigui konta ku mas di e workshopnan aki den futuro.