PARLAMENTO Enkuentro públiko: Ora di Pregunta ku e Minister di Hustisia djaweps dia 29 di yüni 2023!
Anunsio ku Grefi di Parlamento a emití relashoná ku e enkuentro públiko pa un “ Ora di Pregunta” ku e Minister di Hustisia di Kòrsou konvoká pa djaweps dia 29 di yüni 2023 riba e tema di situashon den e fundashon Gezinsvoogdij i instrukshon di uzo di forsa ku polisnan tin pa ehersé ora ta nesesario den nan trabou.
E enkuentro di Pregunta ku Presidente di Parlamento a yama lo tuma djaweps dia 29 di yüni 2023 diesun’or di mainta, e enkuentro aki ta públiko, tur suidadano interesá lo por presensia e enkuentro aki for di tribuna públiko di e sala di reunion plenario di parlamento den Stadhuis na Wilhelminaplein 4.