E DELASTER PARTIDO DI KAMPIONATO HUBENIL 22-23, A KONOSÉ SU GRAN FINAL DJABIÈRNÈ ÚLTIMO DEN STADION RIGNAAL ‘JEAN’ FRANCISCA!

E DELASTER PARTIDO DI KAMPIONATO HUBENIL 22-23, A KONOSÉ SU GRAN FINAL DJABIÈRNÈ ÚLTIMO DEN STADION RIGNAAL ‘JEAN’ FRANCISCA!

 

 

Djabièrnè último e delaster partido di Kampionato Hubenil 22-23 a tuma lugá ora ku Iner Willemstad a enfrentá C-Stars United durante e partido final di kategoria U-13 liga 1 ku a tuma lugá den Stadion Rignaal ‘Jean’ Francisca. Otro partido mas, yená ku hopi emoshon i bon bringá pa ámbos ekipo. Shaiim Eugenio ta e hungadó ku a anotá e úniko gol di e enkuentro ku a laga

C-Stars United gana i titulá kampion di Kampionato Hubenil 22-23 kategoria U-13 liga 1.

Komishon Hubenil por ta satisfecho pa e temporada tras di lomba, ku a kore di sèptèmber 2022 te ku yüni 2023 ku partidonan ku tabata tuma lugá tur wikènt na diferente tereno for di Banda ‘Riba te Banda ‘Bou. Un total di 21 klup ku 126 ekipo repartí den diferente liga a bini huntu pa praktiká nan deporte preferí tur siman di nobo.

Palabranan di gradisimentu ta bai na tur hungadó, dirigente, rèfrinan, mayornan, boluntarionan i tur ku di un manera òf otro a duna un man pa e kampionato aki tambe ta unu éksito.

Tur kategoria di e temporada aki a konosé su ekiponan kampion i supkampion dilanti un gran públiko ku a bin pa apoyá nan ekiponan preferí. Kampionato Hubenil 22-23 a finalisá i ta pendiente pa Kampionato Hubenil 23-24 mira su inisio den temporada di sèptèmber 2023.

 

Resultado partido final;

 

30 yüni 2023
Stadion	Kategoria	Tim 1	v/s	Tim 2	U-13
RJF	Liga 1 (U13)	Inter Willemstad	v/s	C-Stars United	0-1

 

Komishon Hubenil ta felisitá tantu e ekipo kampion C-Stars United i tambe e ekipo supkampion Inter Willemstad di kategoria U-13 liga 1 di Kampionato Hubenil  22-23.

Masha pabien i sigui ku e bon trabou!

 

3 yüli 2023