GOBIÈRNU DI KÒRSOU HUNTU KU FUNDOSA I REDA SOSIAL A HASI GROUNDBREAKING NA E VÈLT DI SOTO.

GOBIÈRNU DI KÒRSOU HUNTU KU FUNDOSA I REDA SOSIAL A HASI GROUNDBREAKING NA E VÈLT DI SOTO.

 

Willemstad – Gobièrnu di Kòrsou huntu ku FUNDOSA (Fundashon Don Sarto) i Reda Sosial a hasi “groundbreaking” na e vèlt di Soto dia 4 di yüli 2023.

 

E “Groundbreaking” aki ta inisio ofisial di e renobashon i konstrukshon di e parke di e Vèlt Multifunshonal na Soto.

Un soño di Promé Minister sr. Gilmar Pisas ku a bira realidat porfin, despues di a hiba un lucha di varios aña, kedando firme i sigui perseverá ku hopi determinashon pa sigui lucha pa e bario di Soto i bisendario por tin nan propio vèlt di bala.

Ku sosten di e miembronan di Gabinete Pisas 2 i espeshalmente e sosten di parti  Minister di Finansa sr. Javier Silvania, e proyekto aki lo bai keda realisá pronto.

 

Di parti Gabinete Pisas 2 tabata presente Minister di Finansa i Salubridat, Medio Ambiente i Naturalesa sr. Javier Silvania, Minister di Enseñansa, Siensia, Kultura i Deporte sr. Sithree van Heydoorn, Minister di Desaroyo Ekonómiko sr. Ruisandro Cijntje, Minister di Maneho di Gobernashon, Planifikashon i Servisio Públiko sr. Ornelio Martina, Minister di Tráfiko, Transporte i Planifikashon Urbano sr. Charles Cooper i Promé Minister sr. Gilmar Pisas.

 

Di parti Parlamento tabatin presente Presidente di Parlamento sra. Charetti America-Francisca, sra. Corine Djaoen-Genaro, sr. Amerigo Thodé, sr. Gilbert Doran, sr. Eduard Braam, sr. Juniël Carolina, sra. Maria Nita, sr. Fergino Brownbill i sr. Ramon Yung.

 

Di parti FUNDOSA tabatin presente sr. Sharlon Betrian i su direktiva i tambe tabata presente e Presidente di Sentro di Bario Soto sra. Anamarie Cijntje.

Hopi grupo di deporte, representantenan di organisashon i habitantenan di Soto i bisendario tambe tabata presente.

 

Esnan ku a hiba palabra tabata sr. Sharlon Betrian (FUNDOSA), sr. Rudny Martha (Reda Sosial), Minister di Enseñansa, Siensia, Kultura i Deporte sr. Sithree van Heydoorn i Promé Minister sr. Gilmar Pisas.

 

Despues di e diskursanan a hasi entrega di e kontrato di trabou na sr. Vicario di Vic Construction kende lo ta respinsabel pa e trabounan di renobashon i konstrukshon di e parke di e Vèlt Multifunshonal na Soto.

 

Na e okashon aki tabata Pastor Rahul di Parokia di San Antonio de Padua na Soto ku a drama un poko di awa di bendita i bendishon den nòmber di Kristu Hesus.

 

E ambiente tabata hopi ameno yená ku hopi alegria ku porfin e trabounan ta bai kuminsá na e vèlt di Soto.