Lokalidat i fasilidatnan na playa di Daaibooi ta haña un “facelift”

 

Lokalidat i fasilidatnan na playa di Daaibooi ta haña un “facelift”

Willemstad – Ministerio di GMN resientemente a kuminsá ku trabounan pa drecha e lokalidat na playa di Daaibooi. Dak di e lokalidat tabata den hopi mal estado di tal manera ku e tabata forma peliger pa bishitantenan i un bista ku no ta bunita pa turistanan ku ta bishitá e playa diariamente. A kita e dak bieu pa instalá un dak nobo i lo renobá e tualètnan. Na e momentu aki ta organisando un destaho pa konforme reglanan di komptabilidat yega na e kontratista pa ehekutá e trabounan.

Minister di Asuntunan General enkargá ku Agrikultura, Medio Ambiente i Naturalesa señor Gilmar Pisas a pone komo prioridat pa drecha i renobá fasilidatnan na vários di nos playanan. A drecha palapanan pero tambe konstruí tualèt kaminda esaki ta nesesario. Ta hopi importante pa momentu ku nos hendenan pero tambe turista bishitá nos playanan, nan por hasi uzo di fasilidatnan ku ta den bon estado di mantenshon. Pronto lo informá mas di trabounan di mantenshon ku ta tumando lugá na vários playa.