40 ANIVERSARIO ‘THE HAPPY PEANTUS”

WILLEMSTAD – Minister di Enseñansa, Siensia, Kultura i Deporte (ESKD) sr. Sithree van Heydoorn na nòmber di Gobièrnu di Kòrsou a hasi entrega di un bunita plakat komo muestra di apresio na integrantenan di e agrupashon musikal “The Happy Peanuts” relashoná ku nan di 40 Aniversario.

Esaki a tuma lugá durante di un fiesta na Landhuis Brakkeput Mei-Mei, kaminda e agrupashon a tene nan selebrashon. AMAK tambe tabata presente representá pa sr. Feco Gomez i sr. Giovanni Atalita i tambe Sr. Sandy Atimadora di e grupo di karnaval E He He, ambos organisashon a hasi entrega di un plaka di rekonosementu na e agrupashon musikal. “The Happy Peanuts” durante di 40 aña ku a transkurí a sa di sòru pa bon ambiente i animashon musikal den e mundu farandulero di Kòrsou. Un agrupashon musikal ku semper ta deleitá nos pueblo na hopi resepshon, kasamentu, hasimentu di aña ku nan ritmo di merengue, tumba i ritmo kombiná.

Na nòmber di Gobièrnu di Kòrsou, Minister di ESKD sr. Sithree van Heydoorn ta felisitá i yama e agrupashon di “The Happy Peanuts” danki pa semper a sa di trese bon músika i bon ambiente pa tur nan fanatikonan i pueblo di Kòrsou.
—
Sithree van Heydoorn
Minister di ESKD

40 Aniversario Agrupashon Musikal: ‘The Happy Peanuts’