TRABOUNAN NA ÁLTURA DI ARUBASTRAAT RIBA DJARASON 12 DI YÜLI

Willemstad – Servisio pa Obra Públiko (OW) ta informá ku riba djarason 12 di yüli lo hasi trabounan di mantenshon na áltura di Arubastraat. Esaki ku e meta pa pone e barinan hel nobo kaminda tabata tin aksidente.

E trabounan aki lo keda ehersé pa kontratista DR General Contractor, i lo dura 1 dia.

Debí na e trabounan aki, outomobilistanan ku subi Koningin Julianabrug lo no por lora pa drenta Arubastraat, i lo mester sigui pa por lora na Ser’i Domi bai direkshon di Otrobanda.

Lo tin indikashon pa rutanan alternativo. OW ta hasi un apelashon pa kore ku koutela.