KOMUNIKADO DI PRENSA 335/2023.
15 yüli 2023.

Aksidente ku morto den tráfiko.

Departamentu di Komunikashon i Prevenshon
KUERPO POLISIAL KÒRSOU SIRBI I PROTEHÁ

Djabièrnè 14 di yüli 2023 alrededor di 20.45’or, Sentral di Polis a risibí informashon di un
aksidente grave ku a tuma lugá riba Kaminda Serapio A. Pinedo i den kua tin dos persona
gravemente heridá.
Na yegada di e unidat di Barber, el a topa den un outo di famia un hòmber tras di stür ku ya
no tabata duna señal den bida.
Den e otro vehíkulo tabatin un dama shofùr heridá i ku tabata keha di hopi doló.
Ambulans a yega na e sítio i a transportá e dama pa Sala di Emergensia di C.M.C., mientras
pa e otro shofùr, lamentablemente ya no por a hasi nada mas.
For di investigashon a sali na kla ku e dama a sali for di un kaya i subi Kaminda Serapio A.
Pinedo, sin duna preferensia na e outo di famia ku tabata bini for di Soto bayendo den
direkshon di Fontein.
Dòkter di polis ku tambe a keda notifiká, a konstatá morto di e hòmber Raishendli Romart
Tielman, nase na Kòrsou dia 8 di aprel 1991.
Personal di Departamentu di Tráfiko ta kontinuá ku e investigashon.