MINISTER COOPER HUNTU KU DELEGASHON DI KÒRSOU TA BRIA NA KONFERENSIA INTERNASHONAL CANTO

Willemstad – Minister Charles Cooper ta na Miami pa partisipá na e konferensia internashonal CANTO. Esaki ta den kuadro di realisashon di e meta pa kombertí Kòrsou den un hùp digital pa Karibe.

Durante di e apertura ofisial, ku mas di 600 partisipante di 30 pais presente, Minister Cooper i Kòrsou a keda elogiá pa nos partisipashon na e konferensia di e aña aki! Esaki durante di e spich di Sekretario General di CANTO, sra. Teresa Wankin.

Minister Charles Cooper i un delegashon di sektor privá i gubernamental ta realisá e biahe di trabou pa Miami aki, kaminda ku tin e konosído evento internashonal  di telekomunikashon “CANTO”. Durante di e evento magno aki operadornan, organisashonnan, kompaníanan, i individuonan den e mundu di Telekomunikashon ta topa otro pa interkambiá i sera konosí ku teknologíanan nobo i modèrno.

E foro internashonal di telekomunikashon aki lo dura te ku dia 19 di yüli awor, i lo ta kargá ku informashon i interkambio ku lo por ta súmamente importante pa nos por realisá nos meta pa kombertí Kòrsou den un hùp digital den Karibe.