RDK DESDE KU A TERMINA E PROSESO NA MART ULTIMO NO A SIGUI NEGOSHA KU NINGUN DI E PARTIDONAN KU A PARTISIPA DEN E ULTIMO RONDO DI BUSKEDA PA UN PARTNER STATEGIKO

DEKLARASHON DI PRENSA DI

REFINERIA DI KORSOU

RDK DESDE KU A TERMINA E PROSESO NA MART ULTIMO NO A SIGUI NEGOSHA KU NINGUN DI E PARTIDONAN KU A PARTISIPA DEN E ULTIMO RONDO DI BUSKEDA PA UN PARTNER STATEGIKO

Willemstad 17 di yüli 2023- Den e último dianan tin publikashonnan den medionan di komunikashon ku ta insinuá ku Refineria di Kòrsou (RdK) ainda ta hiba kòmbersashon i ta negoshá ku un di e tres partidonan ku a partisipá den e último ronda di selekshon pa un partner stratégiko. Esaki no ta bèrdat.

RdK na mart último a informá  tur tres partido, ku a entregá un ‘binding proposal’ den e proseso ku tabata andando pa yega na un partner stratégiko pa manehá i operá e refineria i Bullenbaai, ku ta kulminá i sera e proseso ku nan a partisipá aden. Komo tal RdK no a ni sigui kombersá ni sigui negoshá ku e partidonan aki.

RdK entretantu a dal pasonan inisial den un proseso nobo i aselerá di ‘headhunting’ pa yega na un partner pa manehá i operá nos refineria i Bullenbaai. E meta ta keda meskos, esta pa mas pronto habri e refineria di akuerdo ku e mandato di Gobièrnu.

RdK lo informá komunidat di desaroyonan segun e proseso pa e buskeda aselerá ta kanando.