Korsou ku eksito na Kampionato di Tang Soo Do na Puerto Rico 

Korsou ku eksito na Kampionato di Tang Soo Do na Puerto Rico 

 

Delegashon Bi Sang Kwan Curacao a partisipa ku eksito  den simposio i kampionato internashonal di Tang Soo Do na Orocovis, Puerto Rico kual a tuma luga di 13-15 di juli ultimo.

 

E simposio aki tabata konsisti di training di standardisashon di estilo, training den arbitraje, forma (kata), i uso di armanan tradishonal manera kuchu, bastón, spada etc. i tambe campeonato den combate i kata ku i sin arma.

 

Dequan Ricardo a logra 3 biaha oro (kata, kata ku arma i kombate). Den e kategoria di mucha faha berde.

 

Den kategoria di faha oraño hubinil Juan Pablo Palma Sanchez a logra 1 oro den combate i plata pa kata i kata ku arma.

 

E fahananan pretu hubenil Brandon Harms i Jonathan Paulina tur dos a logra kue di tres luga den nan kategoria pa loke ta kata i tambe pa kombate.

Den kategoria kata di gran maestro i maestro Elfried Paulina a pone man riba e prome luga i konfiska e oro.

 

Durante e simposio a eksamina kandidatonan di faha pretu i Jonathan Paulina i Brandon Harms a pasa pa nivel di instruktor segundo dan.

 

E evento a wordu organisa dor di Hwa Rang Moo Sa Tang Soo Do di Puerto Rico di Grand Master Luis Raul Torres Melendez.