Investigashon kombiná di Inspekshon i UO G&GZ riba Golden Oldies

Investigashon kombiná di Inspekshon i UO G&GZ riba Golden Oldies

Den kuadro di e investigashonnan rutinario riba kasnan di grandinan, Inspekshon di Salú Públiko huntu ku Organisashon di Ehekushon Medisina i Asuntunan di Salú (UO Geneeskundige en Gezondheidszaken)
a hasi un bishita di inspekshon rutinario na e kas di grandi Golden Oldies.

Durante di e bishita a sali na kla ku e kuido médiko na e habitantenan no tabata indiká niun señal apnòrmal i ku e datonan di personal tabata na òrdu, sin embargo, e áreanan en kuestion tabata parse di no ta totalmente organisá. E grado di aktividatnan i rekreashon ofresé na e habitantenan tabata sufisiente. E kuminda di e habitantenan a resultá di ta na gusto di e habitantenan, ounke no tabatin intervenshon rutinario di un dietista.

Durante e inspekshon higiéniko a resultá ku e kushina tabatin diferente problema, entre otro, e estétika di e kushina, e falta di nèt kontra di muskita i algun otro problema. E kurá i e terasa tampoko no a pasa e prueba di estétika i órden. Ademas, e iluminashon na algun sitio tambe a resultá insufisiente.

E instituto a wòrdu informá di tur e puntonan di akshon ku mester traha riba dje mesora i den un tempu kòrtiku, entre otro, e introdukshon di un skema di limpiesa, hasimentu di e kushina, kurá i terasa higiéniko i na òrdu. Na diferente sitio den e kas mester pone rèkinan di sosten konforme rekisitonan legal.

Inspektor – General Salú Públiko suplente
Prof. S. O Keli