Na memoria di Nico Beker

Na memoria di Nico Beker

Nos a tuma nota di e notisia tristu, ku Nico Beker a bai sosegá.

Nicolas Beker, kariñosamente yama Nico, tabata forma parti for di den prinsipio di Super Special Combo, ku despues a bira Doble R .

Nico semper tabata fiel na su grupo musikal

Nico tabata forma parti di e front di Doble R, espesialmente komo korista i tokadó di wiri. Nico ta konosí ku semper un sonrisa den su kara na momento di presentashonnan.

Nico tabata tambe un fiel miembro di Amak, i tabata asisti na tur reunion.

Semper e tabata positivo na momento ku e hiba palabra.

Nico na un okashon a partisipá na festival di tumba, interpretando e komposishon di Rignald Recordino na 1982, bateria di legria., i klasfikando e tumba.

Nico tabata un personan masha sosial, ku tabata duna un man kaminda e por. Durante vários aña Nico tabata bende karchi di entrada di beisbòl na Tio Dou Ball Park, i na momento ku e nota ku nos ta den besindario, e ta kuminsá ku su mamamentu di gai.

Último añanan, su situashon di salu a bai atras, i a pone, ku e no por a partisipá mas na aktividatnan públiko.

Amak ta deseá su famianan , integrantenan di Doble R, amigunan i espesialmente su señora esposa, hopi forsa na e momentonan difísil aki.

Nos ta sigur ku Nico lo haña un lugá masha spesial den reino di señor.

Pas na su alma

Direktiva di Amak