KOMUNIKADO DI PRENSA 359/2023.
4 ougùstùs 2023.

Detenshon relashoná ku maltrato

Departamentu di Komunikashon i Prevenshon

KUERPO POLISIAL KÒRSOU SIRBI I PROTEHÁ

Djaweps 3 di ougùstùs 2023 alrededor di 23.13’or, Sentral di polis a dirigí un unidat pa Kaya
Kasha pa un problema relashonal.
Na yegada di e unidat, a topa un dama ku a deklará na polis ku e tabatin un diskushon ku su
partner i e último aki a lo a maltraté ku un palu di basora. E víktima tabatin un kap na su
frenta ku tabata sangra bastante.
Ku ambulans a transportá e víktima pa sala di emergensia di C.M.C.
Na e sítio, polis a detené e hòmber sospechoso B.R.C. di 43 aña di edat nase na Kòrsou.
A presentá e sospechoso dilanti di un fiskal ouksiliar ku a ordená su enkarselamentu
pendiente di mas investigashon.