KIKO TA PASANDO

E uniko kaminda ku bo ta haña tur informashon kompletamente gratis. Klik anto lesa. Manda tur loke bo ke pa wordu publika i invitashon pa kubri rueda di prensa na e Email: kikotapasando@outlook.com

GOBIERNU

Minister Shalten Hato FORTIFIKANDO E KADENA HUDISIAL

Manera ya ta ampliamente konosí, Minister di Hustisia, mr. Shalten Hato den su plan di maneho a pone énfasis riba invershon den kapital humano. Vários organisashon den Ministerio di Hustisia manera entre otro Kuerpo Polisial Kòrsou i Sentro di Detenshon io Korekshon Kòrsou (SDKK) a konosé e asina yamá ‘’personeelstop’’ pa basta aña.
Adishonalmente pa medio di VVU i pènshun un kantidat konsiderabel di personal a bandoná i lo sigui bandoná e organisashonnan ya menshoná. Den Kuerpo Polisial for di 2018 no a tuma hende i na SDKK ta for di aña 2013 a fortifiká e organisashon. Mirando e situashon aki Minister Hato a yega na e konklushon ku mester kuminsá ku e proseso di reklutashon mas pronto ku ta posibel.
Sinembargo palabrashonan hasí den e Landenpakket i tambe limitashonan finansiero a pone ku esaki no por a sosodé mesora. Hopi análisis i kalkulashonan a wòrdu hasí den Ministerio di Hustisia konhuntamente ku organisashonnan den e Ministerio pa asina yega na e formula pa por realisá e reklutashon nesesario aki.
Riba petishon di Minister Hato, Konseho di Minister a bai di akuerdo ku un plan di largo plaso den kual den añanan benidero, en todo kaso te ku 2026 por reklutá un kantitidat di polis i bewaker pa SDKK pa por kumpli ku e nesidat di komunidat.
Awe djaluna 21 di ougústús 2023, komo titular di Hustisia mi kier anunsiá ku ta publiká e vakaturanan pa e funshon di Aspirant politieagent na KPC i Aspirant beveiliger medewerker na SDKK, kaminda tur esnan ku ta kumpli ku eksigensianan por solisitá. Si bo tambe ke bin duna un aporte na un di e organisashonnan solisitá mesorá. Pa mas informashon por subi www.gobiernu.cw
639114718427035"
639114718427035"