Pronóstiko di tempu pa Kòrsou i bisindario bálido te djarason mainta 06:00 o.l., 23 di ougùstùs 2023.

Pronóstiko

Pronóstiko di tempu pa Kòrsou i bisindario bálido te djarason mainta 06:00 o.l., 23 di ougùstùs 2023.
Kompilá: djamars 22 di ougùstùs 2023, 05:00 o.l. (09:00 UTC).

Tempu: Hopi nublá ku algun áwaseru lokal kompañá de bes enkuando pa welek i bos

Temperatura máksimo lo alkansá 32ºC i temperatura mínimo 26ºC.
Solo ta sali 06:25 i ta baha 18:52 o.l.

Bientu: For di direkshon variá i suak te moderá; forsa 1 te 3 (1 te 19 km/ora, 1 te 10 nudo). Durante áwaseru fuerte, ráfaga moderá te posiblemente fuerte; forsa 4 te 6 (20 te 50 km/ora, 11 te 27 nudo).

Situashon general: Tormenta tropikal Franklin ta situá awe mainta 460 km sùit di Santo Domingo. Franklin lo sigui move den direkshon nort, alehando su mes for di islanan abc. No opstante esaki, kondishon atmosfériko lo keda favoresé pa mas nubia signifikante pasa i/o desaroyá riba nos region. Algun di e nubianan aki lo generá momentunan di áwaseru riba nos isla i tambe bos lo zona. Mas aleu, bientu suak kombiná ku un humedat haltu lo resultá den un sensashon di kalor sofokante durante awe.

Kondishon di laman: Trankil te moderá ku altura di olanan entre 0.5 i 1.5 meter (2 i 4 pia). Na kostanan nort i ost, olanan ta alkansá altura mas haltu di 2 meter (6 pia) dor di resake.

Sistemanan signifikante di wer tropikal: Tormenta tropikal Franklin ta situá awe mainta 460 km sùit di Santo Domingo. E sistema aki lo sigui move den direkshon nort. Franklin no ta forma ningun menasa direkto pa nos isla abc. Tormenta tropikal Emily awor ta un tormenta post tropikal i Gert a debilitá i bira un depreshon. Ambos sistema ta situá awe mainta riba Atlántiko Nort i ta move den un direkshon nortwèst riba laman ganchu. E sistemanan aki no ta forma un menasa pa Kòrsou.

Fenómeno spesial: Ningun.

Perspektiva te djaweps mainta: Nubianan lo bira gradualmente ménos i e chèns pa áwaseru tambe ta bira ménos.

Meteorólogo: Abraham.