UO Brandweer & Rampenbestrijding Curacao KOMUNIKADO OFISIAL: 𝗔𝗹𝗲𝗿𝘁𝗮 𝗽𝗮 𝘁𝗲𝗺𝗽𝗼𝗿𝗮𝗱𝗮 𝗱𝗶 𝗼𝗿𝗸𝗮𝗻

Manera ta konosí nos ta den temporada di orkan ku ta di 1 Yüni pa 30 Novèmber. Esaki ta nifiká ku tin e posibilidat ku Kòrsou por sinti e impakto di e desaroyonan di wer manera tormenta tropikal i siklon. Eksperensia ta siña nos ku esaki por nifiká pa nos hopi awaseru ku por okashoná inundashon na sierto parti di nos isla i tambe bientu fuerte ku por okashoná daño material. Pesei Brantwer ke enkurashá kada siudadano pa hasi lo nesesario pa limitá e risikonan aki.
Aki ta sigui algún tip pa limitá e risikonan;
• Si ta konosí ku e fluho di awaseru ta yena kas òf edifisio, ta bon pa tin sufisiente saku di
santu pa purba tene e awa pafó.
• Kontrolá si tin kaminda pa awaseru por sigui bai den kaso ku esaki akumulá.
• Limpia paden i rondó di kurá pa evitá ku shushi òf otro obheto ku ta stroba e fluho di
awaseru.
• Tin un of mas tapol pa si resultá ku bo dak di kas risibí daño.
• Martin, klabu, i tabla di palu pa sigurá glas di bentana kontra di bientu fuerte.
• Kontrolá dak di kas òf edifisio su resistensia pa bientu fuerte.
• Kontrolá si tin palu of taki di palu den serkania ku lo por okashoná daño i hasi lo
nesesario pa eleminá peliger.
• Evita di tin obhetonan lòs den kurá ku por bira proyektil dor di bientu fuerte.
• Evitá di laga personanan di edat avansá nan so durante wer èkstra ordinario!!
• Kòrda riba protekshon di e bestianan den kurá kontra kondishon èkstra ordinario di e
wer.
• Si bo kas ta situá kaminda tin hopi rísiko, traha palabrashon ku famia òf ser kerí pa keda
serkanan mientras ku e situashon ta mehorá.
• Ta bon pa tin laiter, bela, un pakete di ‘EHBO’, radio di batería, batería extra i un
‘powerbank’ ku karga pa den kaso ku bo telefòn su batería baha.
• Pa mas informashon tokante pakete di sobrebibensia por konsultá http://www.meteo.cw òf kalamidat.cw