KOMUNIKADO DI PRENSA 401/2023.
27 ougùstùs 2023.

Kas ta pega kandela i ta laga un persona heridá.

Departamentu di Komunikashon i Prevenshon
KUERPO POLISIAL KÒRSOU SIRBI I PROTEHÁ

Djasabra 26 di ougùstùs 2023, alrededor di 15.44’or, Sentral di Polis a dirigí un unidat
polisial pa Abacoweg pa un kas na kandela.
Na yegada di e unidat, el a bin topa un kos chikí konstruí kompletamente di palu ku tabata
kompletamente na kandela.
Tambe nan a topa e habitante di e kas ku tabatin diferente kemadura na altura di su
mannan, pianan, lomba i kara.
E habitante a deklará na polis ku el a pega un sensia i despues el a sali djis un ratu.
Na su regreso el a nota e kas na kandela. El a trata di bai kue algun pertenensia ku e tabatin
den e kas, pero no a logra esaki i a keda heridá pa vlamnan di e kandela.
Ku ambulans a transporta e víktima pa C.M.C. pa risibí tratamentu médiko.