KUIDO DI NOS MUCHANAN ENTRE 0- 4 AÑA DURANTE DIANAN DI KALOR EKSESIVO

Ministerio di Salubridat, Medio
Ambiente i Naturalesa ta urgí pa un mihó…

KUIDO DI NOS MUCHANAN ENTRE 0- 4 AÑA DURANTE DIANAN DI KALOR EKSESIVO

Willemstad – Nos ta pasando den dianan di kalor eksesivo i un grupo hopi vulnerabel ta muchanan entre 0- 4 aña komo ku nan ta dependé di nan mayornan òf un adulto. Den kaso ku un mucha tin un malesa króniko òf un desabilidat, su riesgo ta oumentá. Pa por duna un mihó kuido na nos muchanan Ministerio di GMN den kuadro di su plan di kontingensia pa temporada di kalor eksesivo “Hitteplan 2023” a desaroyá un foyeto ku puntonan importante ku mester tene kuenta kuné pa asina protehá nos muchanan.

Ta pidi tur mayor i adulto pa sigui e medidanan di prekoushon aki. Pa keda informá sigui i “like” nos página di Facebook “Ministry of Health, Environment & Nature” i otro medionan sosial pa asina bo keda informá. Pa mas informashon tokante mucha por tuma kontakto ku Departamentu Salú Hubenil na telefòn 737 0000, via whatsapp +5999- 670 1900 òf email info.dsh@gobiernu.cw.