DESAROYA E LIDER CU TIN DEN BO CU E ENSEÑANSANAN DI JOHN MAXWELL

Partido MEP hunto cu Fundacion Formation Politico Nelson Orlando Oduber (FFPNOO):

Ta invita pueblo di Aruba pa un curso di liderazgo

DESAROYA E LIDER CU TIN DEN BO CU E ENSEÑANSANAN DI JOHN MAXWELL

 

Ningun hende ta nace un lider pero ta siña lidera cu tempo. Liderazgo ta provee direccion pa alcansa e destinacion sea di un compania, organisacion y tambe e famia. Partido MEP hunto cu Fundacion Formation Politico Nelson Oduber (FFPNOO) ta organisa un curso di liderazgo den e luna di October. E meta ta pa a traves di e enseñansanan di John Maxwell, participantenan por desaroya e lider den nan.

 

Partido MEP ta invita pueblo en general pa ‘join’ e curso di liderazgo aki y siña con pa lidera bo mesun bida prome, pa despues lidera otro di un manera ehemplar. Duna e paso aki padilanti pa logra bo crecemento como lider y inspira tur esnan rond di bo!

 

E curso lo wordo duna door di señora P.Giraldo na CEDE di MEP na Santa Cruz cu un duracion di tres siman, 3 biaha pa siman riba diananan dialuna, diamars y diaranson for di 7-9 PM. Fechanan pa e curso lo ta 9,10,11, 16,17,18, 23,24,25 di October. E costo di e curso importante aki ta Afl. 10 so pa persona.

 

Tur esnan interesa por registra na e link: https://forms.gle/pzZHcZjGPomMeHGy8 of tambe por reserva via Whapsapp: 744 4997 of manda un mail na info@mep.aw