Un trùk ku tabata transportá gasòil a bòltu na altura di Karpata

Kralendijk Bonaire. Djabièrnè 15 di sèptèmber, alrededor di 8.15 or di mainta, un trùk ku tabata transportá gasòil a bòltu na altura di Karpata. Diferente partner di servisio a dirigí nan mes na e sitio pa atendé ku e situashon. Ambulans a transportá e shofùr di e trùk pa hòspital pa kòntròl médiko. Polis a sera kaya pa tur tráfiko den área te ku un próksimo aviso.