Kuarteto detené pa violashon di lei di arma di kandela i lei di opio.

KOMUNIKADO DI PRENSA 437/2023
17 sèptèmber 2023

Kuarteto detené pa violashon di lei di arma di kandela i lei di opio.

Departamentu di Komunikashon i Prevenshon

KUERPO POLISIAL KÒRSOU SIRBI I PROTEHÁ

Djadumingu 17 di sèptèmber 2023 alrededor di 02.34’or, despues ku Sentral di Polis a risibí
informashon di un vehíkulo den kua tabatin kuater hòmber ku tabata den posishon di
armanan di kandela, un unidat polisial a topa e vehíkulo aki na altura di un pòmp di gasolin
na Bottelier.
Mesora a kuminsá un persekushon tras di e vehíkulo aki ku a bin terminá na altura di
Pletterijweg, na unda polis a detené e kuater hòmbernan den e vehíkulo.
Ta trata di e hòmbernan sospechoso F.W.B. di 34 aña di edat nasé na Repúblika
Dominikana, S.B. di 21 aña di edat nasé na Kòrsou, T.C.A.K. di 25 aña di edat nasé na
Hulanda i e hóben J.A.R. di 13 aña di edat tambe nasé na Hulanda.
Durante di kontròl den e vehíkulo, polis a bin topa un arma outomátiko i un arma di ko’i
hunga. A konfiská ámbos.
Kontinuando ku e investigashon den e kaso aki, Timd i Aresto huntu ku e personal di e
Divishon Krímen Organisá a tene entrada hudisial den oranan di mardugá i mainta na kuater
(4) adrès den área di Seru Fortuna i na un di e adrèsnan aki, a haña i konfiská un kantidat di
balanan skèrpi i dos paki di hash.
A presentá e kuarteto dilanti di un fiskal ouksiliar ku a ordená su enkarselamentu pendiente
di mas investigashon.