KOMUNIKADO DI PRENSA 438/2023
17 sèptèmber 2023

Hòmber ta fayesé debí na korto sirkuito di fèn

Departamentu di Komunikashon i Prevenshon
KUERPO POLISIAL KÒRSOU SIRBI I PROTEHÁ

Djasabra 16 di sèptèmber 2023 alrededor di 22.03’or, Sentral di Polis a dirigí un unidat di
warda di polis di Montaña pa un kas na Kaya Seru Grandi, na unda lo mester tin un persona
for di su konosementu.
Na yegada, e unidat a bin topa un hòmber for di konosementu drumí abou.
For di investigashon a sali na kla ku un fèn den un kamber di e kas a kima debí na korto
sirkuito i a kuminsá produsí un kantidat grandi di huma.
Promé ku e habitante aki por a logra sali pafó, probablemente el a enhalá hopi huma ku a
poné bai for di su konosementu.
Personanan na e sítio a trata na re-anim’é i despues tambe personal di ambulans ku a yega,
pero sin resultado.
Dòkter di polis ku despues tambe a presentá, a konstatá morto di e hòmber Jaseron Rofino
Wederfoort nasé dia 26 di yüli 1988 na Kòrsou.
Investigashon den e kaso aki ta kontinuá.