KIKO TA PASANDO

E uniko kaminda ku bo ta haña tur informashon kompletamente gratis. Klik anto lesa. Manda tur loke bo ke pa wordu publika i invitashon pa kubri rueda di prensa na e Email: kikotapasando@outlook.com

NOTISIA

Stichting Exploitatie Sportfaciliteiten i Politie Sportvereniging ta firma karta di intenshon pa ku desaroyo di Stadion Pedro Odulio Willems na Suffisant

Stichting Exploitatie Sportfaciliteiten i Politie Sportvereniging ta firma karta di intenshon pa ku desaroyo di Stadion Pedro Odulio Willems na Suffisant

Djarason ultimo e organisashonan Stichting Exploitatie Sportterreinen, Politie Sportvereniging i Stichting Sharks Beheer i.o. a firma un karta ku e intenshon pa kuminsa ku e trajekto pa kolaborashon i maneho di e stadion na Suffisant. Despues di un buskeda di un tereno pa krea fasilidatnan di rekreo i di ejersisio apropia pa su miembronan, e asosashon di deporte di kuerpo polisial miho konosi komo PSV a jega na e organisahon di Stichting Exploitatie Sportterreinen pa inventarisa e posibilidatnan. Ta konosi ku e organisashon di Sharks ta manejando e fasilidat i e sala Niels Liberia pa diferente tipo di deporte ku e esun mas popular ku ta basketball.

Ta e intenshon di Politie Sportvereniging pa den futuro serkano bai tuma e fasilidatnan over pa asina renoba, maneha i desaroya aktividatnan pa nan miembronan pero tambe pa usuarionan di den serkania di e stadion. E stadion ikoniko aki ta di hopi importansia pa e barionan di Suffisant, Monte Carmelo i tambe Muizenberg. Komunidat lo bai tin oportunidat pa praktika deporte sea kolektivo o individual bou di guia pero tambe pa rekrea hasiendo uzo di e fasilidatnan kual lo bai krea den futuro. Lokual ta importante pa tur e tres organisashonan ta pa konhuntamente krea un espasio pa impakto positivo pa e area.

Fundashon Desaroyo Deportivo Korsou a wordu aserka pa kontribui ku nan konosementu I eksperensha den kuadro di projektonan ku bista riba e skolnan den e serkania di e kompleho. Direktor di FDDK ta hopi entusiasma pa ku e tramitenan aki ku ta un ku masha tempu nan tabata anhela p’e. E bario di Suffisant, Monte Carmelo I Muizenberg is serkania ta area ku hopi habitante I ku diferente skolnan basiko I avansa ku por disfruta di e fasilidatnan I tambe krea interaktividat entre miembronan di PSV I habitantenan.

E direktiva di e asosashon di deporte PSV ku na kabes presidente sr Rich Pieter i sekretario sr Kevin Clara ta hopi entusiasma ku e plan pa renoba i maneha i di e forma aki kontribui via su miembronan na un desaroyo sumamente postivo di e asosashon pero prinsipalmente juda tambe e barionan den serkania di e stadion. Fundashon pa eksplotashon di terenonan deportivo representa pa sres Orlando Cuales i Ivan de Windt. Stichting Sharks Beheer io lo keda forma parti di totalidat i lo sigui duna di nan parti pa e projekto por bira un eksito rotundo.

Riba e foto ta mira e presidentenan di kada organisashon firmando e LoI. Di man robes pa man drechi,
sr Welton Adams di Sharks, sr Orlando Cuales di SES I sr Rich Pieter na number di PSV.

 

Share this page to Telegram

Leave a Reply

This site uses Akismet to reduce spam. Learn how your comment data is processed.

%d bloggers like this: