Eksposishon “Forever Grateful” di Sherman Tielman jr.

Minister Silvania ta duna oportunidat na e hóben akí pa
eksponé su arte di pintamentu.
Den siman di Kultura 2023
Willemstad,
Sr. Silvania den su afán pa engrandesé nos kultura i pa duna hóbennan e
oportunidat pa ekspresá nan talento, a habri portanan di su ofisina pa Sherman
Tielman jr. eksponé su pinturanan den Siman di Kultura 2023. Kuminsando for di
25 sèptèmber te ku 1 òktober 2023.
E hóben akí ta oriundo di e bario di brievengat i ta usa arte pa ekspresá ya pa 3 aña
kaba. E la bin ta prepará ku dedikashon pa su promé eksposishon i tur ku bin por
bin presensiá su bunita obranan hasí ku hopi amor.
Riba djaluna, 25 di sèptèmber 2023, lo tuma lugá e apertura kaminda invitadonan i
prensa lo tei presente di 5or di atardi pa 7or di anochi. Djamars i djárason ta privá i
for di djaweps te ku djadumingu e eksposishon ta habrí pa públiko. Den e klousura
lo bai tin animashon di Grupo Rítmiko Sablika, ku ta e grupo ku Sherman Tielman
jr. ta militá aden.
For di aworakí Sherman ke gradisí e tim ku a traha inkansabel pa hasi un di su
soñanan realidat. Tambe Sherman ta gradisí Sr. Silvania pa a kere den dje,
enkurash’é i sosten’é den e proyekto ku pueblo di Kòrsou por bin presensiá.
E invitashon ta bai na tur gustadó di arte i pueblo di Kòrsou kompletu pa bin mira e
bunita obranan na edifisio di Ministerio di Finansas na Pietermaai 4-4A