GRAN FINAL LIGA MCB SEGUNDO DIVISHON 21-22! DJASABRA 30 DI SÈPTÈMBER 2023, 9’OR PM DEN STADION RIGNAAL ‘JEAN’ FRANCISCA!
GRAN FINAL LIGA MCB SEGUNDO DIVISHON 21-22!
DJASABRA 30 DI SÈPTÈMBER 2023, 9’OR PM DEN STADION
RIGNAAL ‘JEAN’ FRANCISCA!
Despues ku e buèlta di 3 di Liga MCB Segundo Divishon 21-22 a tèrminá djárason último, e 2 ekiponan ku a klasifiká pa e gran final ta konosí. New Song i Atletiko Saliña a klasifiká pa e partido final aki, pendiente di e kontesta di FFK riba e protesta ku Hubentut Fortuna a entregá kontra Atletiko Saliña. Esaki por trese kambio den e ekiponan ku lo mira akshon durante e partido final aki.
E final di Liga MCB Segundo Divishon 21-22 lo tuma lugá djasabra 30 di sèptèmber 2023 pa 9’or di anochi den Stadion Rignaal ‘Jean’ Francisca. Promé ku e partido aki lo tin 2 tremendo partido final di Kampionato Femenino kategoria U-17 i Senior pa mitar di 5 i 6’or di atardi.
Tabla di posishon;
Pues djasabra aki, 30 di sèptèmber 2023, ta den Stadion Rignaal ‘Jean’ Francisca bo mester ta pa bin presensiá tremendo partidonan di futbòl durante e gran finalnan di tantu Kampionato Femenino 22-23 i tambe Liga MCB Segundo Divishon 21-22!
Entrada pa e partido final di Liga MCB Segundo Divishon ta kosta fl.7,50 pa adulto miéntras mucha di 6 pa 12 aña ku 60+ ta paga solamente fl.5,-. Karchinan ta optenibel na e lokètnan di stadion for di 8’or di anochi.
Bin pasa un ratu ameno den kompania di bo famia i disfrutá di bo deporte preferí, e deporte rei, futbòl!
28 sèptèmber 2023

