Pronóstiko di tempu pa Kòrsou i bisindario bálido te djasabra mainta 06:00 o.l., 30 di sèptèmber 2023.

Pronóstiko

Pronóstiko di tempu pa Kòrsou i bisindario bálido te djasabra mainta 06:00 o.l., 30 di sèptèmber 2023.
Kompilá: djabièrnè 29 di sèptèmber 2023, 05:00 o.l. (09:00 UTC).

Tempu: Parsialmente nublá te ku temporalmente hopi nublá ku chèns pa algu di áwaseru lokal.

Temperatura máksimo lo alkansá 33ºC i temperatura mínimo 28ºC.
Solo ta sali 06:25 i ta baha 18:27 o.l.

Bientu: Por lo general ost i suak; forsa 2 te 3 (7 te 19 km/ora, 4 te 10 nudo). De bes en kuando moderá den ráfaga; forsa 4 (20 te 30 km/ora, 11 te 16 nudo).

Situashon general: Durante próksimo 24 ora ta antisipá un oumentu temporal di nubia den nos region ku posibilidat pa algun áwaseru. Debí na e kondishon atmosfériko aktual, no ta ekskluí e posibilidat pa desaroyo di welek i bos tambe riba sierto parti di nos isla i bisindario.

Kondishon di laman: Kalmu te trankil ku altura di olanan ménos ku 1 meter (3 pia). Na parti nort di nos isla e laman lo ta un poko mas brutu debí na resake for di un direkshon nort.

Sistemanan signifikante di wer tropikal: Tormenta tropikal Philippe i Rina ta situá ost di e islanan den e sekshon nortost di Karibe i tur dos ta move den un direkshon nortwèst . E siklonan tropikal no ta representá un menasa pa Kòrsou.

Fenómeno spesial: Ningun.

Perspektiva te djadumingu mainta: Parsialmente nublá i generalmente seku.

Meteorólogo: Vrutaal.