ORARIO DI SKOLNAN TA NORMALISÁ
MINISTERIO KONSERNÍ ENSEÑANSA, SIENSIA, KULTURA & DEPORTE
ORARIO DI SKOLNAN TA NORMALISÁ
PUBLIKÁ RIBA 01 ÒKTOBER 2023
WILLEMSTAD – Minister di Enseñansa, Siensia, Kultura & Deporte sr. Sithree van Heydoorn ta informá ku entrante 2 òktober 2023, orario di skolnan ta normalisá bèk. E desishon aki a keda tuma huntu ku Direktivanan di Skol, Ministerio di Tráfiko, Transporte & Planifikashon Urbano/Meteo i Ministerio di Salubridat Públiko, Medio Ambiente & Naturalesa. Tur skol di fundeshi ta kaba pa 12:30 i skolnan sekundarionan ta bai bèk segun nan roster. Pues e durashon di e lesnan ta bira 45 minüt bèk.
E medida pa ku seramentu di skolnan na momentu ku Servisio Meteorológiko Kòrsou emití kódigo kòrá òf oraño tambe ta keda anulá. Komo minister enkargá ku enseñansa mi ta informá ku huntu nos ta sigui vigilá e situashon di kalor di aserka. Si ta nesesario i den deliberashon ku tur komo Gobièrnu nos por tuma un otro desishon pa ku e situashon aki.
—
