Detenshon relashoná ku kontrabanda di hende òf kómplise na esaki

KOMUNIKADO DI PRENSA 471/2023
2 òktober 2023

Detenshon relashoná ku kontrabanda di hende òf kómplise na esaki

Departamentu di Komunikashon i Prevenshon
KUERPO POLISIAL KÒRSOU SIRBI I PROTEHÁ

Relashoná ku un kaso di kontrabanda di hende òf kómplise ku a tuma lugá dia 21 di
sèptèmber 2023, (komunikado di prensa no. 449/2023), polis a hasi un detenshon mas.
Awe 2 di òktober 2023, alrededor di 15.10’or a hasi detenshon di e kapitan N.A.R.D. di 61
aña di edat nase na Venezuela.
Detenshon di e hòmber aki a tuma lugá na e Baraknan di ilegal na S.D.K.K.
Investigashon den e kaso aki ta kontinuá i no ta ekskluí ku lo bai tin mas detenshon.
A presentá e sospechoso dilanti di un fiskal ouksiliar ku a ordená su enkarselamentu
pendiente di mas investigashon.