Pronóstiko di tempu pa Kòrsou i bisindario bálido te djabièrnè mainta 6:00 o.l., 6 di òktober 2023.

Pronóstiko

Pronóstiko di tempu pa Kòrsou i bisindario bálido te djabièrnè mainta 6:00 o.l., 6 di òktober 2023.
Kompilá: djaweps 5 di òktober 2023, 05:00 o.l. (09:00 UTC).

Tempu: Shelu lo ta basta nublá i de bes en kuando ku algu di áwaseru i posibel zonido di bos. Djabièrnè lo tin ménos nubia ku wer por lo general seku

Temperatura máksimo lo alkansá 33ºC i temperatura mínimo 26ºC.
Solo ta sali 06:25 i ta baha 18:23 o.l.

Bientu: Direkshon un poko variá i un brisa por lo general suak; forsa 1 te 3 (1 te 19 km/ora, 1 te 10 nudo). Den áwaseru, ráfaga moderá te basta fuerte; forsa 4 te 5 ( 20 te 39 km/ora, 11 te 21 nudo).

Situashon general: Nubia nan ku posibilidat pa áwaseru i mal tempu lokalmente lo sigui plamá riba e region durante di awe den dia i anochi. Miéntras tantu riba djabièrnè ta premirá ku wer ta bira relativamente mas seku. Probabilidat pa áwaseru lo regresá den nos área e próksimo fin di siman, na momento ku un ola tropikal ta travesá e parti sùitost di Laman Karibe. Ademas, e patronchi di preshon di airu debil lo persistí den e área di nos isla algun dia mas i resultá asina den kontinuashon di bientunan suave i kondishon di laman generalmente trankil.

Kondishon di laman: Generalmente trankil ku altura di olanan ménos di 1 meter (3 pia). E olanan lo bira mas haltu durante di áwaseru.

Sistemanan signifikante di wer tropikal: Tormenta tropikal Philippe tabata situá awe mainta tempran riba parti sùitwèst di Oséano Atlántiko Nort i ta move den direkshon nort nortwèst alehando su mes di e parti nort di Karibe. E siklon no ta un menasa pa Kòrsou.

Fenómeno spesial: Ningun.

Perspektiva te djasabra mainta: For di djasabra mardugá nubia nan lo oumentá i lo bai tin un bon chèns pa áwaseru ku welek i bos.

Meteorólogo: Coffie