Promé Minister sr. Gilmar Pisas a sera konosí ku e KOMISHON DI KONDEKORASHON real
Willemstad- Promé Minister sr. Gilmar Pisas a sera konosí ku e Komishon di Kondekorashon Real dia 3 di òktober 2023.
E komishon aki ta konsistí di sra. Lusette Verboom (presidente), sr. Trevor Bakhuis (sekretario), sra. Marisol Roosberg (miembro,) sra. Maria Liberia-Peters (miembro) i sr. Eithel Hato (miembro).
Sra. Maria Liberia-Peters no por tabata presente, debí ku e tabata den eksterior.
Durante di e reunion aki e komishon a kompartí diferente informashon ku Promé Minister sr. Pisas tokante e proseso i su funshon.
Tur aña entre di luna di mei te medio di luna ougùstùs por entregá un proposishon pa Kondekorashon Real pa e aña siguiente.
E ta importante pa tur siudadano di Kòrsou sa ku nan por nominá un persona ku meresé di risibí un Kondekorashon Real.
Nominashon ta un forma pa duna honor na personanan ku a òf ta duna aporte eksepshonal na nos komunidat.
Na final di e bishita a hasi entregá e pakete ku tabata kontené tur e proposishonnan ku a drenta.
Promé Minister sr. Gilmar Pisas tabata hopi satisfecho i kontentu pa tende ku e komishon ta funshoná den un hopi bon esfera i ku e dedikashon nesesario.
